Constab Ballads (1912)
Cotch Donkey
Ko how de jackass
Lay do’n in de road;
An’ him ondly car’
Little bit o’ load.
Me no know wha’ mek
Pa won’ swop you too;
For dere’s not a t’ing
Wut while you can do.
Ef you car’ no load,
It is all de same;
Hamper on or no,
‘Tis de ushal game.
Póliceman a come
Fe go mek a row,
All because o’ you
Wid you’ wutless now.
“‘Tek de hamper off?’
“Lard! me Gahd o’ me!
Him got one lee ‘cratch :
Dat is not’in’, Sah,
For him always cotch.
Do, Sah, let me off,
Ef fe te-day one;[1]
For a no de ‘cratch
Cause him fe lay do’n.”